Videokonferensaloqa shaklida 16-oktabrda bo‘lib o‘tishi rejalashtirilgan MDH davlatlari rahbarlari kengashi yig‘ilishi boshqa kunga qoldirildi. Yig‘ilishning qachon bo‘lib o‘tishi hozircha noma’lum. Bu haqda MDH ijroiya qo‘mitasiga tayanib “TASS” ma’lum qildi.
“15-oktabrda bo‘lib o‘tishi rejalashtirilgan Tashqi ishlar vazirlari kengashi yig‘ilishi hamda 16-oktabrda o‘tkazilishi rejalashtirilgan MDH davlatlari rahbarlari kengashi yig‘ilishi dunyodagi murakkab epidemiologik vaziyat sababli va ko‘riladigan masalalarni batafsil ishlab chiqish maqsadida boshqa muddatga ko‘chirildi”, – ijroiya qo‘mitasi xabarida.
Avval MDH sammiti Toshkentda bo‘lib o‘tishi rejalashtirilgandi.
Eslatib o‘tamiz, O‘zbekiston 2020-yil 1-yanvardan MDHga raislik qilmoqda.
Izoh (0)