Aktrisa va boshlovchi Rayhon Ulasenova “Mendirman Jaloliddin” deb nomlangan tarixiy serialda Xorazmshoh Alovuddin Muhammadning xotini, O‘zloqshoh va Oqshohning onasi rolini ijro etgan.
Rayhon Ulasenova Turkiya seriallari maktabi, serialdan olgan gonorari, serialda unga qiyinchilik tug‘dirgan jihatlar haqida gapirib berdi. Aktrisa bu haqda “Daryo” muxbiri Feruz Muhammadga bergan intervyusida ma’lum qildi.
Deyarli bir yildan buyon serialning suratga olish ishlari sabab Turkiyada yashayapmiz. “Mendirman Jaloliddin” tarixiy serialida o‘zim uchun harakat qilmadim, balki butun O‘zbekiston uchun harakat qildim. Bu juda ham katta mas’uliyat, ushbu mas’uliyatni his qilib mehnat qildik.Ma’lumot uchun, “Mendirman Jaloliddin” serialining birinchi fasli 13 qismdan iborat. Loyiha rahbari Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi o‘rinbosari Saida Mirziyoyeva. G‘oya muallifi hamda bosh prodyuser O‘zbekiston madaniyat vaziri Ozodbek Nazarbekov.Vatan, oila, farzandlar sog‘inchi, oilam kelib-ketib turishgan bo‘lsa hamki, ularning sog‘inchi anchagina qiyinchilik tug‘dirdi.
Turk seriallarini ko‘rishni yaqin uch oydan beri boshladim. Buning sababi turk tilini yaxshi o‘rganishimiz kerak edi. Biz rolimizni turk tilida ijro etdik. Turklarda tayyorgarlik maktabi juda ham kuchli ekan. Hamma narsada, masalan, to‘y qilasizmi, bayrammi, tadbirmi, tayyorgarligingiz yaxshi bo‘lmasa, demakki o‘sha loyiha yaxshi bo‘lmaydi. U xoh spektakl bo‘lsin, xoh kino, farqi yo‘q. Shu kabi bunday katta loyihaga ham katta tayyorgarlik ko‘rish kerak. Shu narsa bizni juda ham o‘ziga jalb etdi. Balki, biz qilich tutmasmiz, balki ot minmasmiz, lekin butun jamoa hammasi shu ishni qilishi shart. Shartnomaga qo‘l qo‘yasiz: erkaklar, ayollar bir xil vazifani bajaradi. Men charchab qoldim, men ayolman degan gap yo‘q. Askarlar singari ishladik, mehnat qildik. Bu maktab juda ham qiziq.
Ushbu serialda suratga tushayotganimdan juda ham xursand bo‘ldim. Bu faoliyatimdagi eng katta loyiha. Aynan shu loyihada gonorar haqida umuman gaplashmadik. Men uchun hozirgi paytda gonorar emas, meni ijod mahsulim juda-juda kerak. Gonorarim mehnatimga yarasha, ishoning!
Rayhon Ulasenova, aktrisa va boshlovchi
Serial bosh rejissori Metin Gunay, rejissor Nurgissa Almurat, ssenariy muallifi hamda prodyuser Mehmed Bozdag‘ hisoblanadi. Film Turkiyaning “Bozdag‘ film” kompaniyasi tomonidan suratga olinmoqda. Keng jamoatchilik uchun premyera 2021-yilning yanvar oyidan boshlanadi.
Izoh (0)