Qashqadaryo viloyatining Qamashi tumaniga hokimlik qilib kelgan Sherali Sanayevni Qamashi xalqi va deputatlari zarbop to‘n kiydirib, olqish bilan kuzatdi, deya xabar berdi viloyat hokimligi axborot xizmati.
2020-yil 7-oktabr kuni Mirishkor tumani hokimi etib tayinlangan Sherali Sanayev ham oilasidek bo‘lib qolgan hokimlik jamoasi va tumandoshlari bilan xuddi shu yo‘sinda xayrlashgan.
“Har bir rahbarni mana shunday quvonch ko‘z-yoshlari bilan kuzatish nasib qilsin. Hamma rahbarlar ham mana shunday hurmat va e’tibor bilan kuzatilavermaydi. Buning zamirida xalqqa xizmat va fidoyilik yotadi”, — degan viloyat hokimi Zoir Mirzayev.
Hokim boshchiligidagi sektor rahbarlari, deputat va nuroniylar yangi tayinlangan hokimlarni duo qilib, omad va zafar tilagan.
Eslatib o‘tamiz, Sherali Sanayev Mirishkor tumaniga hokim etib tayinlangach, Qamashiga Vazirlar Mahkamasi Agrar va oziq-ovqat sohalarini rivojlantirish masalalari kotibiyati mudiri lavozimida ishlab kelgan Botir Tog‘ayev rahbar etib tayinlangandi.
Izoh (0)