Qirg‘izistonda 4-oktabr kuni yettinchi chaqiriq Jo‘qorg‘i Kenges deputatlariga saylovlar bo‘lib o‘tdi. Saylovda 16 siyosiy partiya parlamentdagi o‘rinlar uchun kurashdi, deb xabar berdi “24.kg” axborot agentligi.
Dastlabki ma’lumotlarga ko‘ra, faqat quyidagi to‘rtta siyosiy partiya bir palatali parlamentga kirish uchun 7 foizlik to‘siqni yengib o‘tishga muvaffaq bo‘ldi. Bular:
- “Birimdik” (24,53 foiz) – 46 ta o‘rin;
- “Mekenim Qirg‘izistan” (23,9 foiz) – 45 ta o‘rin;
- “Qirg‘izistan” (8,74 foiz) – 16 ta o‘rin;
- “Butun Qirg‘izistan” (7,09 foiz) – 13 ta o‘rin.
Qayd etilishicha, parlamentga kira olmagan beshta partiya – “Islohot”, “Ordo”, “Meken Intimagi”, “Chon Kazat” va “Iymon Nuri” saylov natijalarini tan olishdan bosh tortdi hamda birgalikda harakat qilishga kelishib oldi.
Shuningdek, 5-oktabr kuni Bishkekda ovoz berish natijalariga rozi bo‘lmagan partiyalar va ularning tarafdorlari tinch mitinglar o‘tkazdi.
Izoh (0)