Namanganda o‘ziga o‘t qo‘yib shu tarzda ikki yarim yil muqaddam sotib olingan uyidan majburan chiqarmoqchi bo‘lgan MIB xodimlariga noroziligini bildirgan ayol vafot etgani haqida xabar berilgandi. Bosh prokuraturaning ma’lum qilishicha, voqeasi yuzasidan jinoiy ish ochilgan.
“Ijtimoiy tarmoqlarda Namanganda majburiy ijro vaqtida o‘ziga o‘t qo‘ygan ayol halok bo‘lganligi haqida xabarlar tarqalgan. Mazkur holat yuzasidan Namangan shahar prokuraturasi tomonidan Jinoyat kodeksining 103-moddasi 1-qismi (o‘zini o‘zi o‘ldirish darajasiga yetkazish) bilan jinoyat ishi qo‘zg‘atildi”, – deyiladi xabarda.
Holat yuzasidan tergov harakatlari olib borilayotgani ma’lum qilingan.
Eslatib o‘tamiz, ayol 30-sentabr kuni tanasining 80 foizdan ortiq kuyish tan jarohati natijasida Respublika shoshilinch tez yordam ilmiy markazining Namangan filialida vafot etgan.
Ma'lum qilinishicha, ayol firibgarlik qurboni bo‘lgan – uning onasiga uyni 13 ming dollarga aldab sotgan ayolga ozodlikni cheklash jazosi qo‘llanilgan, uyning asl egasi esa mulk o‘ziga qaytarilishi uchun sudga murojaat qilgan. Sud undiruvchi foydasiga javobgar va uning oila a’zolarini Namangan shahridagi xonadonlardan biridan majburiy tartibda ko‘chirish belgilangan.
Uyni o‘z ixtiyori bilan bo‘shatishni hohlamagan ayol va uning onasi tomonidan sud ijro harakatlarini amalga oshirishga faol qarshilik ko‘rsatilgan. Ayni o‘sha vaqtda ijro hujjati talabini bajarishga to‘sqinlik qilish maqsadida 1985-yilda tug‘ilgan D.G. o‘ziga benzin sepib, yoqib yuborgan.
Mavzuga doir:
Izoh (0)