O‘zbekiston 2020-yilning 1-sentabr holatiga xorijiy davlatlarga qiymati 2 million AQSh dollariga teng bo‘lgan mebel mahsulotlarini eksport qilgan. Bu ko‘rsatkich o‘tgan yilning mos davri bilan solishtirilganda 841 ming AQSh dollariga ko‘p, deya xabar bermoqda Davlat statistika qo‘mitasi.
Qayd etilishicha, o‘tgan sakkiz oy mobaynida eksport qilingan mebel mahsulotlarining eng katta ulushi Qozog‘iston (763,9 ming), Qirg‘iziston (619,3 ming), Tojikiston (294,2 ming) va 146,6 ming AQSh dollari bilan Rossiya hissasiga to‘g‘ri kelgan.
Eksport qilingan mebel mahsulotlarining hududlar bo‘yicha eng ko‘p ulushi 2020-yilning 1-sentabr holatiga ko‘ra quyidagilarga to‘g‘ri keladi:
- Toshkent shahri – 846,4 ming AQSh dollari;
- Toshkent viloyati – 470,5 ming AQSh dollari;
- Andijon viloyati – 184,3 ming AQSh dollari;
- Namangan viloyati – 138,9 ming AQSh dollari;
- Buxoro viloyati – 131,6 ming AQSh dollari.
Avvalroq O‘zbekistonga qancha hajmda mebel, yog‘och va yog‘och mahsulotlari, elektromobil, mobil telefonlar va televizor import qilingani xabar qilingandi.
Izoh (0)