Turkiya harbiy kuchlari Ozarbayjon tomonidagi Tog‘li Qorabog‘dagi janglarda bevosita ishtirok etmoqda. Ushbu bayonot bilan 28-sentabr kuni ertalab Armaniston Tashqi ishlar vazirligi bayonot berdi, deb xabar bermoqda “Meduza”.
Turkiyaning faoliyati to‘g‘ridan to‘g‘ri jang maydonida bo‘lishi bilan ajralib turadi. Turk qurollari, shu jumladan, uchuvchisiz samolyotlar va harbiy samolyotlardan foydalanadigan turkiyalik harbiy mutaxassislar ozarbayjonliklar bilan birga jang qilmoqda. Ta’kidlanishicha, ishonchli manbalarga ko‘ra, Turkiya Ozarbayjonga chet ellik terrorchilarni yollamoqda va joylashtirmoqda.
Armanistonning Rossiyadagi elchisi Vardan Tog‘anyan, o‘z navbatida, “Moskva aks-sadosi” efirida Turkiya Suriyadan ziddiyatli hududga harbiy kuchlarni yollayotgani aytdi.
Mavzuga doir: O‘zbekiston TIV Ozarbayjon hamda Armaniston o‘rtasidagi vaziyat keskinlashuviga munosabat bildirdi
Tog‘li Qorabog‘da Armaniston va Ozarbayjon o‘rtasidagi harbiy harakatlar 27-sentabrda qayta tiklandi. Har ikki mamlakatda ham harbiy holat e’lon qilindi va safarbarlik boshlandi. Ikkala tomon ham bir-birlarini tajovuzda ayblamoqda va o‘zlarining muvaffaqiyatli javob harakatlari haqida xabar berib bormoqda.
Avvalroq, Turkiya hukumati Ozarbayjonni “to‘liq qo‘llab-quvvatlashini” bildirdi va mojaroning avj olishida Armanistonni aybladi.
Izoh (0)