Xalq deputatlari Ohangaron tumani kengashining navbatdan tashqari sessiyasida Toshkent viloyati hokimi Rustam Xolmatov tuman hokimligiga Abdurasul Abdullayev nomzodini tavsiya qildi. Bu haqda viloyati hokimligi matbuot xizmati xabar berdi.
Ta’kidlanishicha, ushbu nomzod sessiya ishtirokchilari tomonidan tasdiqlangan
Abdurasul Abdullayev 1968-yil Qashqadaryo viloyatining Kitob tumanida tug‘ilgan. 1991-yili Toshkent Xalq xo‘jaligi institutini tamomlagan.
Markaziy bankning Samarqand viloyati bosh boshqarmasi boshlig‘i, “Ipotekabank” ATIB boshqaruvi raisi, “O‘zsanoatqurilishbank” OATB boshqaruvi raisi sifatida ishlagan. 2014-yilda O‘zbekiston aksiyadorlik tijorat “Xalq banki” boshqaruvi raisi etib tayinlangan. 2019-yilda u Veterinariya va chorvachilikni rivojlantirish davlat qo‘mitasi raisi o‘rinbosari — “O‘zbekchorvanasl” agentligi direktori etib tayinlangan.
Ohangaron tumaniga 2019-yil yozidan buyon Abduvohid Turdiboyev hokimlik qilib kelayotgandi.
Avvalroq Piskent tumaniga yangi hokim va sektor rahbarlari tayinlangani to‘g‘risida xabar berilgandi.
Izoh (0)