Buyuk Britaniya qirolichasi Yelizaveta II endi Barbados monarxi bo‘lmaydi. Orol-davlat rasman respublika bo‘ladi, deya xabar bermoqda Meduza Loop nashriga tayanib.
Barbados general-gubernatori Sara Masonning aytishicha, bu 2021-yilda orol mustaqilligining 55 yilligi nishonlanadigan kunda amalga oshadi.
“Mustamlakachilik o‘tmishimizni ortda qoldirish vaqti keldi. Barbadosliklar o‘z davlat rahbariga ega bo‘lishni xohlaydi. Biz kim ekanligimiz va nimalarga erishishimiz mumkinligini bilamiz”, — degan u.
Ma’lumot uchun, Barbados 1966-yilning 30-nayabrida Buyuk Britaniyadan rasman mustaqil bo‘lgan.
Qirolicha Yelizaveta II Buyuk Britaniyaning sobiq mustamlakalari hisoblanmish, BMTga a’zo bo‘lgan 14 mustaqil davlatning hali ham rasmiy rahbari bo‘lib qolmoqda. Bunday mamlakatlarning eng kattasi Kanada va Avstraliyadir.
Mavzuga doir:
- Yelizaveta II Ikkinchi jahon urushi faxriysi Tom Murni ritsar etib tayinladi. U shifokorlar uchun 30 mln funt xayriya yiqqan
- Yelizaveta II 6 marta Ginnes rekordlari kitobiga kiritilgan. Bunga uning hech kimning xayoliga ham kelmaydigan xususiyatlari sabab bo‘lgan
- Tabassum, shlyapa va o‘zgarmaydigan soch turmagi. Qirolicha Yelizavetaning chiroyli qarishi siri nimada?
Izoh (0)