“Barselona” bosh murabbiyi Ronald Kuman klub rahbariyatidan “Liverpul” hujumchisi Muhammad Salohni sotib olishni so‘radi, deya xabar bermoqda Daily Express.
Manbaga ko‘ra, niderlandiyalik mutaxassis tarkibni kuchaytirish maqsadida Salohga yaxshi taklif bilan chiqmoqchi.
Biroq kataloniyaliklar uchun Salohni qo‘lga kiritishga yetarli bo‘lgan mablag‘ni topish qiyin masala bo‘lishi ta’kidlanmoqda.
Ma’lumot uchun, Saloh 2017-yildan beri “Liverpul” sharafini himoya qilib keladi. “Qizillar” tarkibida u Chempionlar Ligasi, UEFA Superkubogi va klublar o‘rtasidagi Jahon сhempionati bosh sovrinini qo‘lga kiritgan, shuningdek, Saloh o‘tgan mavsumda Angliya chempionatida jamoasi bilan g‘olib bo‘ldi. 2020/21 yilgi mavsumning ilk o‘yinida esa hujumchi o‘z nomiga 3 ta gol yozdirib qo‘ydi.
Muhammad Saloh tomonidan 2019/20-yilgi mavsumda urilgan shedevr gollar (video)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)