Fransiya terma jamoasi Millatlar Ligasi 1-turi doirasida 5-sentabr kuni Shvetsiyaga qarshi bahs olib bordi va Kilian Mbappening yagona goli evaziga g‘alabani qo‘lga kiritdi (1:0).
Ikkinchi bo‘limda qo‘shib berilgan vaqtda fransiyaliklar penalti ishlab oldi, biroq jamoa hujumchisi Antuan Grizmann 11 metrlik jarima zarbasidan unumli foydalana olmadi.
Shu tariqa Grizmann Fransiya terma jamoasi safida ketma-ket uchinchi marta penaltidan gol ura olmadi va bu natijani qayd etgan terma jamoaning ilk futbolchisiga aylandi.
Grizmann “Barselona” safida La Liga 2019/20-yilgi mavsumida 35 o‘yin o‘tkazib, 9 gol va 5 ta golli uzatmaga muallif bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)