Uzbekistan Airways AJ xalqaro yo‘nalishlar bo‘yicha muntazam parvozlarni qayta tiklashi haqida xabar berdi.
Yaqin kunlarda quyidagi yo‘nalishlar bo‘yicha parvozlar amalga oshiriladi:
- 4-sentabrdan: Toshkent—Dubay—Toshkent — haftada bir marta, juma kunlari;
- 10-sentabrdan: Toshkent—Frankfurt—Toshkent — haftada bir marta, payshanba kunlari;
- 11-sentabrdan: Toshkent—Olmaota—Toshkent — haftada bir marta, juma kunlari;
- 14-sentabrdan: Toshkent—Bishkek—Toshkent — haftada bir marta, dushanba kunlari;
- 4, 7, 11, 14, 16, 18, 21, 23, 24, 25, 28 va 30-sentabr: Toshkent—Istanbul—Toshkent.
Germaniya, Qozog‘iston, Qirg‘iziston, BAA, Turkiyadan muntazam reyslar orqali kelgan yo‘lovchilar salbiy COVID-19 test natijalariga ega bo‘lsa, termometriyadan o‘tishi va anketani to‘ldirishi, 14 kunlik o‘zini izolyatsiya qilish majburiyati qo‘yiladi: O‘zbekiston fuqarolari uchun — doimiy joyda yashash joyi, chet el fuqarolari uchun — O‘zbekistonda vaqtincha ro‘yxatdan o‘tish joyida.
Kelgandan keyin isitmasi yoki boshqa alomatlari bo‘lgan fuqarolar Toshkent aeroportida ko‘rikdan o‘tkaziladi. PZR testi ijobiy ekanligi aniqlangan yo‘lovchilar davolanish uchun kasalxonaga yotqiziladi.
Aviakompaniya yo‘lovchilardan boriladigan mamlakatdagi sanitariya talablarini mustaqil ravishda aniqlashtirishlarini, o‘rganishlarini va aviachipta sotib olishdan oldin yuqoridagi mamlakatlarga kirish uchun asoslar borligiga ishonch hosil qilishlarini so‘radi.
Amalga oshirilishi rejalashtirilgan reyslar uchun aviachiptalarni aviakompaniya saytidan yoki mobil ilovasi orqali, shuningdek, Uzbekistan Airways’ning yaqin savdo ofislaridan yoki O‘zbekistondagi va xorijdagi savdo agentlaridan sotib olish mumkin.
Eslatib o‘tamiz, Uzbekistan Airways 16-avgustdan 31-avgustgacha xalqaro qatnovlarning va mahalliy yo‘nalishlar bo‘yicha muntazam parvozlarning bir qismi majburiy bekor qilingan edi. Kompaniya sentabrdan boshlab 4 davlat bilan muntazam aviaqatnovlarni tiklashi mumkinligi haqida ma’lum qilgan.
Izoh (0)