Ichki ishlar vazirligi tizimida yangi lavozim tayinlovlari amalga oshirildi

Ichki ishlar vazirining shaxsiy tarkib bo‘yicha buyrug‘i bilan lavozim tayinlovlari amalga oshirildi. Bu haqda vazirlik axborot xizmati xabar berdi.

Polkovnik Aliahmed Choriyev Toshkent shahar Ichki ishlar bosh boshqarmasi boshlig‘ining o‘rinbosari-kadrlar boshqarmasi boshlig‘i lavozimiga tayinlandi.

Tayinlovga qadar Aliahmed Choriyev Toshkent viloyati IIBB boshlig‘ining o‘rinbosari-kadrlar boshqarmasi boshlig‘i lavozimida faoliyat yuritgan.

Polkovnik Dilmurod Xo‘jaqulov Toshkent viloyati Ichki ishlar bosh boshqarmasi boshlig‘ining o‘rinbosari-kadrlar boshqarmasi boshlig‘i lavozimiga tayinlandi.

Tayinlovga qadar Dilmurod Xudjaqulov Toshkent viloyati IIBB Tashkiliy boshqarma boshlig‘i lavozimida faoliyat yuritgan.

Polkovnik Sherzod Shermuhamedov Toshkent viloyati IIBB Bo‘stonliq tumani IIB boshlig‘i lavozimiga tayinlandi.

Tayinlovga qadar Sherzod Shermuhamedov Toshkent viloyati IIBB boshlig‘ining birinchi mintaqaviy hudud bo‘yicha vakili – markaz boshlig‘i lavozimida faoliyat yuritgan.

Polkovnik Nizom Xubbimov Toshkent viloyati IIBB boshlig‘ining uchinchi mintaqaviy hudud bo‘yicha vakili – markaz boshlig‘i lavozimiga tayinlandi.

Tayinlovga qadar Nizom Xubbimov Toshkent viloyati IIBB Patrul-post xizmati va jamoat tartibini saqlash boshqarmasi boshlig‘i lavozimida faoliyat yuritgan.

Podpolkovnik Og‘abek Nurmetov Toshkent viloyati IIBB Patrul-post xizmati va jamoat tartibini saqlash boshqarmasi boshlig‘i lavozimiga tayinlandi.

Tayinlovga qadar Og‘abek Nurmetov Toshkent viloyati IIBB Patrul-post xizmati va jamoat tartibini saqlash boshqarmasi boshlig‘i o‘rinbosari-jamoat tartibini saqlash va maxsus muassasalar faoliyatini tashkillashtirish bo‘limi boshlig‘i lavozimida faoliyat yuritgan.

IIV vazirining shaxsiy tarkib bo‘yicha buyrug‘i bilan Namangan hamda Farg‘onada lavozim tayinlovlari amalga oshirilgan edi.