Toshkentdagi o‘nlab avtobus yo‘nalishlari vaqtincha o‘zgardi

Toshkent shahar Yunusobod tumanidagi Ahmad Donish ko‘chasining Toshkent halqa avtomobil yo‘lidan Amir Temur shoh ko‘chasigacha bo‘lgan qismini rekonstruksiya qilish ishlari doirasida 23-avgustdan 1-sentabrgacha qadar ushbu oraliqda avtotransport vositalarining harakati cheklanadi. Bu haqda “Toshshahartransxizmat” AJ matbuot xizmati xabar berdi.

Shu munosabat bilan Ahmad Donish ko‘chasi va Ahmad Donish—Yangi shahar, Ahmad Donish—Yunus ota ko‘chalari kesishgan chorrahalar orqali harakatlanuvchi 17 ta avtobus yo‘nalishlari harakatiga vaqtinchalik o‘zgartirishlar kiritilgan. Unga ko‘ra (avtobus saroylariga biriktirilgan yo‘nalishlar bo‘yicha):

• 5-sonli yo‘nalish harakati Yangi Yunusobod ko‘chasidan Yunus ota ko‘chasi, “Xo‘rozcha” (“Petushok”) bekati, Yunus ota, Dehqonobod, THAY ko‘chalari, Uch qahramon aylanma yo‘li, Amir Temur shoh, Ahmad Donish ko‘chalari orqali keyingi harakati o‘z yo‘nalishini davom ettirgan holda ikki tomonlama o‘zgartirildi;
• 25-sonli yo‘nalishning Yunusobod 9-dahasi tomon harakati Yangi shahar ko‘chasidan, O‘lkaobod 3-tor, Elnur, Amir Temur shoh, Rixsiliy ko‘chalari orqali, “ToshGRES” qo‘rg‘oni tomon harakati Rixsiliy ko‘chasidan Amir Temur shoh, O‘lkaobod, O‘lkaobod 3-tor, Yangi shahar ko‘chalari orqali keyingi harakati o‘z yo‘nalishini davom ettirgan holda o‘zgartirildi;
• 60-sonli yo‘nalish harakati Oqtepa ko‘chasidan Yunus ota ko‘chasi, “Xo‘rozcha” (“Petushok”) bekati, Yunus ota, Dehqonobod, THAY ko‘chalari, Uch qahramon aylanma yo‘li, Amir Temur shoh ko‘chalari orqali keyingi harakati o‘z yo‘nalishini davom ettirgan holda ikki tomonlama o‘zgartirildi;
• 72-sonli yo‘nalish harakati Yunusobod 12-dahasi bekatidan Ahmad Donish, THAY ko‘chalari, Uch qahramon aylanma yo‘li, Amir Temur shoh ko‘chalari orqali keyingi harakati o‘z yo‘nalishini davom ettirgan holda ikki tomonlama o‘zgartirildi;
• 82-sonli yo‘nalishning Ibn Sino 2-mavzesi tomon harakati Yunus ota ko‘chasi, “Xo‘rozcha” (“Petushok”) bekati, Yunus ota, Dehqonobod, THAY ko‘chalari, Uch qahramon aylanma yo‘li, Amir Temur shoh, A.Donish ko‘chalari orqali keyingi harakati o‘z yo‘nalishini davom ettirgan holda, Yunusobod 17-dahasi tomon harakati A.Donish ko‘chasidan Yunusobod bozori bekati, A.Temur, Chinobod, Yangi shahar, Yangi Yunusobod ko‘chalari orqali keyingi harakati o‘z yo‘nalishini davom ettirgan holda ikki tomonlama o‘zgartirildi;
• 83-sonli yo‘nalishning Yunusobod 6-dahasi tomon harakati Yangi Yunusobod ko‘chasidan Yangi shahar, Chinobod, Amir Temur ko‘chalari orqali keyingi harakati o‘z yo‘nalishini davom ettirgan holda ikki tomonlama o‘zgartirildi;
• 91-sonli yo‘nalish harakati N.Ibragimov ko‘chasidan Yunus ota ko‘chasi, “Xo‘rozcha” (“Petushok”) bekati, Yunus ota, Dehqonobod, THAY ko‘chalari, Uch qahramon aylanma yo‘li, Amir Temur shoh ko‘chalari orqali keyingi harakati o‘z yo‘nalishini davom ettirgan holda ikki tomonlama o‘zgartirildi;
• 95-sonli yo‘nalish harakati N.Ibragimov ko‘chasidan Yunus ota, Yangi Yunusobod, Yangi shahar, Chinobod, Amir Temur shoh ko‘chalari, Yunusobod bozori, Amir Temur shoh Osiyo ko‘chalari orqali keyingi harakati o‘z yo‘nalishini davom ettirgan holda ikki tomonlama o‘zgartirildi;
• 96-sonli yo‘nalishning Yunusobod 9-dahasi tomon harakati Dehqonobod ko‘chasidan Yunus ota ko‘chasi, “Xo‘rozcha” (“Petushok”) bekati, Yunus ota, Yangi Yunusobod, O‘lkaobod 3-tor, Elnur, Amir Temur shoh ko‘chalari orqali, Istiqlol ko‘chasi tomon harakati Rixsiliy ko‘chasidan Amir Temur shoh, Chinobod, Yangi shahar, Yangi Yunusobod, Yunus ota ko‘chalari, “Xo‘rozcha” (“Petushok”) bekati, Yunus ota, Dehqonobod, THAY ko‘chalari orqali keyingi harakati o‘z yo‘nalishini davom ettirgan holda o‘zgartirildi;
• 119-sonli yo‘nalish harakati Yangi shahar ko‘chasi orqali 5-bolalar shifoxonasi bekatida qisqartirildi;
• 140-sonli yo‘nalish harakati Yunusobod 12-dahasi bekatidan Ahmad Donish, THAY ko‘chalari, Uch qahramon aylanma yo‘li, Amir Temur shoh ko‘chalari orqali keyingi harakati o‘z yo‘nalishini davom ettirgan holda ikki tomonlama o‘zgartirildi;
• 149-sonli yo‘nalish harakati THAYdan Uch qahramon aylanma yo‘li, Amir Temur shoh ko‘chasi, Yunusobod bozori, Amir Temur shoh, Rixsiliy ko‘chalari orqali keyingi harakati o‘z yo‘nalishini davom ettirgan holda ikki tomonlama o‘zgartirildi;
• 198-sonli yo‘nalishning 7-shahar shifoxonasi tomon harakati Yangi shahar ko‘chasidan, O‘lkaobod 3-tor, Elnur, Amir Temur shoh (Yunusobod bozorigacha harakatlanmagan holda), Shahriston ko‘chalari orqali, Jismoniy tarbiya instituti tomon harakati Shahriston, Amir Temur shoh, O‘lkaobod, O‘lkaobod 3-tor, Yangi shahar ko‘chalari orqali keyingi harakati o‘z yo‘nalishini davom ettirgan holda o‘zgartirildi;

• 36-sonli yo‘nalishning “Zenit” zavodi tomon harakati Yangi Yunusobod ko‘chasidan O‘lkaobod 3-tor, Elnur, Amir Temur shoh, Rixsiliy ko‘chalari orqali, TTZ mavzesi tomon harakati Rixsiliy, Amir Temur shoh, O‘lkaobod, O‘lkaobod 3-tor, Yangi Yunusobod ko‘chalari orqali keyingi harakati o‘z yo‘nalishini davom ettirgan holda o‘zgartirildi;
• 52-sonli yo‘nalish harakati ushbu yo‘nalishda xizmat ko‘rsatuvchi xususiy korxonaning tashabbusi bilan texnik-iqtisodiy sharoitlar tufayli vaqtinchalik to‘xtatildi.
• 152-sonli yo‘nalishning Yunusobod 19-dahasi tomon harakati Bog‘ishamol, Amir Temur shoh (Yunusobod bozorigacha harakatlanmagan holda), O‘lkaobod, O‘lkaobod 3-tor, Yangi Yunusobod ko‘chalari orqali, Yangiobod mavzesi tomon harakati Yangi Yunusobod ko‘chasidan, O‘lkaobod 3-tor, Elnur, Amir Temur shoh ko‘chalari, Yunusobod bozori, Amir Temur shoh, Bog‘ishamol ko‘chalari orqali keyingi harakati o‘z yo‘nalishini davom ettirgan holda o‘zgartirildi;
• 190-sonli yo‘nalishning Yunusobod 19-dahasi tomon harakati Amir Temur shoh ko‘chasi, Uch qahramon aylanma yo‘li, THAY, Yangi Yunusobod ko‘chalari orqali, Saodat savdo markazi tomon harakati Yangi Yunusobod ko‘chasidan Yunus ota ko‘chasi, “Xo‘rozcha” (“Petushok”) bekati, Yunus ota, Dehqonobod, THAY ko‘chalari, Uch qahramon aylanma yo‘li, Amir Temur shoh ko‘chalari orqali keyingi harakati o‘z yo‘nalishini davom ettirgan holda o‘zgartirildi.

Shuningdek, O‘lkaobod va Chinobod ko‘chalarida kunning turli vaqtlarida turli miqdordagi avtotransport tirbandliklari yuzaga kelayotganligini inobatga olib, yo‘lovchilar tashishdagi uzilishlarning oldini olish maqsadida ushbu ko‘chalar orqali harakatlanuvchi avtobus yo‘nalishlari harakatiga qisman o‘zgartirishlar kiritilishi mumkin.

Bundan tashqari, Yangi Qo‘yliq ko‘chasi orqali harakatlanuvchi 2 ta avtobus yo‘nalishlari harakatiga vaqtinchalik o‘zgartirishlar kiritilgan.

Toshkent shahridagi Farg‘ona yo‘li ko‘chasini rekonstruksiya qilish ishlari doirasida avtotransport vositalarining Yangi Qo‘yliq ko‘chasidan Farg‘ona yo‘li ko‘chasiga harakatlanishi vaqtinchalik cheklangan.

Shu munosabat bilan yo‘lovchilar tashish uzluksizligini ta’minlash maqsadida, ta’mirlash ishlari yakuniga yetkazilgunga qadar 25-avgustdan boshlab 37-sonli “Mahalliy Aeroport-3—Toshkent MUM” va 55-sonli “Toshkent quvur zavodi—Istiqlol ko‘chasi” avtobus yo‘nalishlarining shahar markazi tomon harakati Yangi Qo‘yliq ko‘chasidagi “2-oilaviy poliklinika” bekatidan so‘ng Fayziobod 9-tor, Fayziobod, Fayziobod 4-tor, Beshkent, Oqbilol 4-tor, Oqbilol ko‘chalari, Farg‘ona bozori ko‘prik osti yo‘li, Farg‘ona yo‘li—Jarqo‘rg‘on ko‘chalari chorrahasi, Farg‘ona bozori ko‘prik yo‘li va Farg‘ona yo‘li ko‘chalari orqali keyingi harakati o‘z yo‘nalishlarini davom ettirgan holda vaqtinchalik o‘zgartirilgan.

Avvalroq Kichik halqa avtomobil yo‘lining Usmon Nosir 2-tor ko‘chasi bilan kesishgan qismida yangi ko‘prik yo‘lini qurish ishlari doirasida xavfsizlikni ta’minlash maqsadida ushbu chorraha 27-avgustdan boshlab bir oy muddatga avtotransport vositalari harakati uchun vaqtincha yopilgani to‘g‘risida xabar berilgandi.

“Toshshahartransxizmati”ning yozishicha, mazkur chorraha orqali harakatlanuvchi 32, 62, 70-sonli yo‘nalishlar harakati Janubiy vokzal, Shota Rustaveli, Usmon Nosir 2-tor, Qushbegi mavzesidagi mahalliy yo‘l, Qushbegi, KHAY ko‘chalari orqali keyingi harakati o‘z yo‘nalishini davom ettirgan holda vaqtinchalik o‘zgartiriladi.

Eslatib o‘tamiz, iyun oyida Toshkent metrosining “Yunusobod” yo‘lidagi 2 ta yangi bekat qurib bitkazilgan edi. Metroning yangi yo‘nalishlari Ahmad Donish ko‘chasidan o‘tgan. Ko‘chani ta’mirlash ishlari metro yo‘nalishlari yakunlanganidan so‘ng boshlangan. Qurilish ishlari uch bosqichda amalga oshirilib, ilk jarayon sentabr oyida yakunlanishi kutilmoqda.