Mehnat ta’tili bilan kelgan yoki shartnoma loyihasini olgan O‘zbekiston fuqarolari Janubiy Koreyaga mehnat faoliyatini amalga oshirish uchun ketish imkoniyati hozircha mavjud emas. Bu haqda Tashqi mehnat migratsiyasi agentligi matbuot kotibi Ortiqxo‘ja Norov AOKA zalida tashkil etilgan brifingda aytib o‘tgan.
Biroq Norov hozirgi vaqtda bu borada tegishli tashkilotlar bilan muzokaralar olib borilayotgani, natijasi haqida rasmiy axborot berilishini ham qo‘shimcha qilgan.Epidemiologik vaziyatdan kelib chiqib, xalqaro qatnovlar ham bekor qilingan. Mehnat ta’tili olib kelgan va shartnoma loyihasini olgan fuqarolarning Janubiy Koreyaga mehnat faoliyatini amalga oshirish uchun ketish imkoniyati hozircha mavjud emas. Fursatdan foydalanib, Koreya Respublikasiga ishga ketish istagidagi yurtdoshlarimizga shu sohada tanish-bilishi borligi, ma’lum to‘lovlar evaziga ishga jo‘natish yoki bu jarayonni tezlashtirib berishni va’da qilayotgan turli firibgarlarga ishonmaslikni tavsiya qilamiz.Shuningdek, agentlik vakili Janubiy Koreyaga O‘zbekiston fuqarolarining kirishi O‘zbekistondagi epidemiologik vaziyat ijobiy tomonga o‘zgarishi bilan bog‘liqligini ham qayd etgan.Ortiqxo‘ja Norov, Tashqi mehnat migratsiyasi agentligi matbuot kotibi
“Iyul oyi o‘rtalarida O‘zbekistonda koronavirusga chalinganlar soni keskin oshib ketgach, Koreya tomonidan O‘zbekiston fuqarolarining samolyot bortiga chiqarilishi vaqtincha to‘xtatildi. Pandemiya bilan bog‘liq O‘zbekistondagi vaziyat koreyaliklar tomonidan muntazam kuzatib borilmoqda”, — deydi Norov.
Izoh (0)