O‘zbekistonda 7-avgust soat 17:00 holatiga ko‘ra, O‘zbekistonda koronavirus infeksiyasi qayd etilganlar soni 248 nafarga ko‘payib, 29 057 nafarga yetdi. Bu haqda Sog‘liqni saqlash vazirligi xabar bermoqda.
Yangi kasallanish holatlarining barchasi koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan:
- 197 nafari Toshkent shahrida;
- 23 nafari Toshkent viloyatida;
- 15 nafari Xorazm viloyatida;
- 13 nafari Andijon viloyatida.
Kun davomida sog‘ayganlarning
- 286 nafari Toshkent shahrida;
- 164 nafari Toshkent viloyatida;
- 20 nafari Andijon viloyatida;
- 2 nafari Qoraqalpog‘iston Respublikasida kasallikdan forig‘ bo‘ldi.
SSV tomonidan hozirgacha O‘zbekistonda 181 kishi koronavirus infeksiyasi asoratlari oqibatida vafot etgani e’lon qilindi. Bundan tashqari, O‘zbekistonda rasman yana sakkiz kishining koronavirusdan vafot etgani ma’lum qilingan, biroq ushbu holatlar yuzasidan SSV hali ham axborot bermadi.
“Hozirda mamlakatimizda 8 817 nafar bemorga shifokorlarimiz tomonidan belgilangan standartlar bo‘yicha davo choralari ko‘rilmoqda”, — deyiladi SSV xabarida.
Izoh (0)