Germaniya hukumati O‘zbekiston uchun pandemiyaga qarshi kurashda qo‘shimcha 2 million yevro ajratdi. Bu haqda Germaniyaning Toshkentdagi elchixonasi xabar berdi.
“Ko‘mak turlari va chora-tadbirlari ikki davlat o‘rtasida muhokama qilinmoqda”, – deya qayd etib o‘tilgan elchixona axborotida.
Iyun oyida Germaniya Jahon sog‘liqni saqlash tashkilotining Toshkentdagi vakolatxonasiga 480 ming yevro ajratgan edi.
Avvalroq koronavirusga qarshi kurashda yordam berish uchun Yaponiya O‘zbekistonga 1,9 million dollar ajratishi xabar qilingandi, Kuvayt 5,6 million dollar, Kanada 250 ming dollar ajratishi haqida xabar berilgan edi. Bundan tashqari, Jahon sog‘liqni saqlash tashkiloti O‘zbekistonga qiymati 4 million dollardan ortiq bo‘lgan insonparvarlik yordami jo‘natishi ma’lum bo‘lgan edi.
Mavzuga doir:
- Turkiya O‘zbekistonga koronavirusni davolashda ishlatiladigan dorilar va himoya vositalaridan iborat insonparvarlik yordamini yubordi
- Germaniya O‘zbekistonga kislorod ballonlari, tibbiy niqoblar va kombinezonlardan iborat insonparvarlik yordami yubordi (foto+video)
- Janubiy Koreya koronavirus pandemiyasiga qarshi kurashish uchun O‘zbekistonga ikkinchi insonparvarlik yordamini yubordi
Izoh (0)