“Yuventus” klubi A Seriya so‘nggi turi doirasida bo‘lib o‘tadigan “Roma”ga qarshi o‘yin uchun kengaytirilgan tarkibni e’lon qildi.
Undan jamoa hujumchisi Krishtianu Ronaldu o‘rin olmadi.
Shu tariqa portugaliyalik futbolchi mavsum yakunlariga ko‘ra “Oltin butsa” kurashidan chiqdi. Ronalduning hisobida 31 ta gol mavjud edi.
Ayni vaqtda to‘purarlar poygasida “Latsio” hujumchisi Chiro Immobile yetakchilik qilmoqda — uning hisobida 35 ta gol mavjud. Avvalroq italiyalik futbolchi “Bavariya” forvardi Robert Levandovskidan (34) o‘zib ketgandi.
Krishtianu Ronalduning “Real” safidagi shedevr gollari yodingizdami? Ularni tomosha qiling (video)
Shu tariqa katta ehtimol bilan Immobile 2019/20-yilgi mavsum “Oltin butsa” sovriniga ega chiqadi. Chiro A Seriya doirasidagi 36 o‘yinda 35 ta gol urdi va o‘nta golli uzatma amalga oshirdi. Futbolchi gollarning 14 tasini penaltidan kiritgan.
Mavzuga doir:
- Krishtianu Ronalduning gollariga eng ko‘p assistentlik qilgan futbolchi ma’lum bo‘ldi
- XXI asrda penaltidan eng ko‘p foydalana olmagan futbolchilar reytingi tuzildi
- Karlo Anchelotti: “Ronaldu o‘zi uchun odatiy mavsumni o‘tkazdi. Keyingi yil u bundan ham yaxshiroq o‘ynaydi”
- Ronaldu 8 mln yevroga Bugatti Centodieci sotib oldi. U yaqinda 6 mln yevroga yaxta xarid qilgandi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)