27-iyuldan—30-iyulga qadar Better World Summit anjumani bo‘lib o‘tadi
Pandemiya biz yashab turgan dunyoni tubdan o‘zgartirdi. Mazkur vaqt mobaynida AKT pandemiya tufayli yuzaga kelgan ijtimoiy muammolarga yechim topish uchun muhim omil bo‘lib xizmat qilmoqda.
Joriy yilning 27-iyul kuni Better World Sammit o‘z ishini boshlab, o‘zida aloqa operatorlari, davlat muassasalari, tahlilchilar, OAV va Huawei hamkorlarini birlashtirgan holda, pandemiya davrida virusga qarshi kurashda AKT roli borasidagi fikrlar o‘rtaga tashlandi. Jumladan, telemeditsina, masofaviy ta‘lim hamda turli xizmatlarni joriy qilishda AKT qanchalik yordam berishi muhokama qilinmoqda. Shuningdek, sammit davomida O‘zbekiston OAV vakillari ham ishtirok etishdi.
Better World Summit birinchi sammitining ochilish kunida, Huawei direktorlari kengashi raisi Go Pin (Guo Ping) besh muhim texnologik sohalar o‘rtasidagi sinergiya tijorat muvaffaqiyatlariga erishish uchun 5G butun salohiyatini ochib berishga qanday yordam ko‘rsatishi haqida so‘zlab berdi. China Telecom, Etisalat, MTN, GSMA va 3GPP/ETSI’dan taklif etilgan ma‘ruzachilarga, shuningdek, hozirgi vaqtda hamda koronavirus infeksiyasi epidemiyasidan keyin ham jahonda yangi iqtisodiy o‘sishga axborot-kommunikatsiya texnologiyalari (AKT) qay tarzda yordam ko‘rsatishi mumkinligini o‘rganish maqsadida 80 dan ziyod mamlakatdan bir necha ming onlayn-tomoshabinlar ham qo‘shildilar.
Go Pin Better World Summit 2020-yil sammitida 5G’ning tijorat yutuqlari haqida so‘zlamoqda.
Texnologiyalar yordamida pandemiyaga qarshi kurashishda birgalikdagi harakatlar
Pandemiya bizning hayot va ish tarzimizni o‘zgartirib yubordi hamda jahon iqtisodiyotiga og‘ir zarba yetkazdi. Baxtimizga, AKT juda ko‘p yo‘nalishlar bo‘yicha COVID-19’ga qarshi kurashishda yordam ko‘rsatish uchun muayyan vositalar to‘plamini taklif qilmoqda.
“AKT sohasida faoliyat ko‘rsayotgan kompaniya sifatida biz ushbu pandemiyani to‘xtatish va uni ustidan g‘alaba qozonish imkonini beruvchi texnologiyalardan foydalanish uchun mas‘ulmiz”, — deya tushuntiradi Go, “Biz hamkorlarimiz va mijozlarimiz bilan birgalikda, barcha tipdagi operatorlar va korxonalarni ham qo‘shgan holda, hamjamiyatlarimizga ijobiy ta‘sir ko‘rsatish maqsadida texnologik qarorlardan foydalanishimiz zarur”.
“Avvalgi ‘qaynoq nuqtalardagi’ ish tajribamizga tayangan holda, biz pandemiyaga qarshi kurashda AKT-texnologiyalardan foydalanadigan to‘qqizta qaror ssenariysini ishlab chiqdik. Bunda so‘z kasalxonalar tarmog‘ini kengaytirish, masofadan maslahatlar berish, onlayn-ta‘lim yoki davlat va tijorat tuzilmalarinining faoliyatini qayta ko‘rib chiqish to‘g‘risidami yoki boshqa masaladami, biz virusning tarqalishini to‘xtatish va iqtisodiyotni qayta yo‘lga qo‘yish harakatlariga doir o‘z tajribamiz va imkoniyatlarimiz haqida siz bilan o‘rtoqlashamiz” .
5G salohiyatini ochib berish: Beshta asosiy texnologik sohalarda sinergiya
Dunyoda 5G foydalanuvchilari hozirda 90 milliondan ortdi. “Modomiki, 5G’ning global miqyoslarda keng yoyish o‘zining nihoyasiga yetib bormoqda ekan, biz uni tarmoqlarda qo‘llashga e‘tiborimizni kuchaytirishimiz talab etiladi”, — deya izohlaydi Go. “ Bu bizga 5G’ning butun salohiyatini ochib berishda yordam beradi”.
5G uchun biznes-model – bu aloqa sifatini oddiygina yaxshilashdan iborat emas. Qachonki 5G kabi texnologiyalar, hisoblashlar, bulutli qarorlar va SI (sun’iy intellekt) birlashtirilsa, ular bir birini kuchaytiradi va besh muhim texnologik sohada: aloqa, SI, bulutli qarorlar, hisoblash tizimlari va tarmoq ilovalarida ulkan imkoniyatlarga yo‘l ochib beradi.
“Huawei bu sohalarning har birida o‘zining kuchli tomonlari bilan ajralib turadi”, deya nutqini davom ettirdi Go. “Biz ularni uyg‘unlashtirish uchun mijozlarimiz va hamkorlarimizning noyob talablariga javob bera oladigan ssenariyli qarorlarni yaratishimiz mumkin, bu esa 5G’ning butun salohiyatini ochib berishga va tijorat muvaffaqiyatlariga erishishga kalit bo‘lib xizmat qiladi”.
5G tijorat muvaffaqiyati uchun butun tarmoqlarning o‘zaro hamkorlikda ishlashi talab etiladi. Vertikal tarmoq ilovalari unifikatsiyalangan tarmoq standartlari va qo‘shma ekotizimlar mavjud bo‘lgan holatdagina keng miqyoslarda amalga oshirilishi mumkin bo‘ladi. “Olg‘a harakatlangan holda, Huawei hamkorlarimizni kerakli imkoniyatlar bilan ta‘minlash bo‘yicha barcha sa‘y-harakatlarini yanada kuchaytiradi”, — tasdiqlaydi Go. “Biz qo‘shma innovatsiyalarni olg‘a suramiz va ishlab chiqarish sotish zanjirning barcha ishtirokchilari uchun o‘sishlarni rag‘batlantiramiz”.
Qisqa muddatli va uzoq muddatli maqsadlar muvozanati: Maksimal qiymat uchun aniq keng joriy etish.
Goning ta‘kidlashicha: “Hozirgi zamon iqtisodiy sharoitlarini e‘tiborga oladigan bo‘lsak, aloqa yetkazib beruvchilari ham qisqa muddatli, ham uzoq muddatli maqsadlarga e‘tiborlarini qaratishlari talab etiladi. Yanada aniq kengaytirish ularga o‘z tarmoqlari qiymatini maksimallashtirish imkoniyatini beradi”. Huawei’da bu masalada uch xil taklif mavjud.
Birinchidan, operatorlar foydalanuvchilar bilan ishlash davomida ustuvorliklarni o‘z o‘rniga qo‘yishlari va mavjud tarmoqlar qiymatini maksimallashtirish uchun ular eng ko‘p talab etiladigan joylarga mablag‘larni yo‘naltirishlari kerak bo‘ladi.
Ikkinchidan, operatorlar mavjud 4G va FTTx’dan maksimal darajada foydalanishlari hamda ularni bir butun qilib muvofivlashtirish va aniq rejalashtirish orqali yangi 5G tarmoqlari bilan birlashtirishlari kerak bo‘ladi.
Uchinchidan, 5G’ni keng yoyish rejalarida “qaynoq nuqtalar” ustuvorligi va muhim tarmoq ilovalari aniq belgilab olinishi shart.
1-kun ma‘ruzachilari
Lyu Guytsin (Liu Guiqing), ChinaTelecom ijrochi vitse-prezidenti va ijrochi direktori, pandemiya sababli kelib chiqqan amaliy cheklovlarga javoban raqamli iqtisodiyotni samarali qo‘llab-quvvatlash maqsadida ChinaTelecom o‘zining bulutli qarorlari va tarmoqlarini qay tarzda bir butun qilib birlashtirgani haqida aytib berdi. Shuningdek, Lyu Xitoyning yangi infratuzilmalarni yaratish va iqtisodiyotni tiklash bo‘yicha tashabbuslarini qo‘llab-quvvatlashga doir strategik chora-tadbirlari va operatorning maqsadlari haqida ham gapirdi.
Xatem Bamatraf (Hatem Bamatraf), EtisalatInternational kompaniyasining texnik direktori, Etisalat kompaniyasining pandemiyaga qarshi kurashishda va iqtisodiyotni tiklashni rag‘batlantirishda AKTdan foydalanish bo‘yicha tajribalari haqida o‘rtoqlashdi.
Bernis Semyuels (Bernice Samuels), MTN marketing direktori, postpandemiya davrida barcha uchun aloqa imkoniyatlarining afzalliklarini keng tatbiq etish maqsadida qanday qilib MTN raqamli transformatsiyalar jarayonini tezlashtirishi haqida aytib berdi.
Aleks Sinkler (Alex Sinclair), GSMA texnik direktori, qanday qilib AKT yangi iqtisodiy riojlanishga yordam ko‘rsatishi haqidagi fikrlari bilan o‘rtoqlashdi.
Adrian Skreyz (Adrian Scrase), 3GPP MCC rahbari va ETSI texnik direktorining ta‘kidlashicha, tarmoqdagi hamkorlik uchun ochiq, shaffof, teng va xolisona muhit yagona standartlarni o‘rnatishda muhim ahamiyat kasb etishi va butun dunyoda umumiy muvaffaqiyatlarga erishishda yordam berar ekan.
Better World Summit anjumani xitoy, ingliz, ispan, fransuz, rus, koreys, yapon va arab tillarida to‘g‘ridan to‘g‘ri uzatilmoqda. Yanada batafsil ma‘lumotlarga ega bo‘lish uchun mana bu yerga bosing.
Reklama huquqi asosida.
Izoh (0)