Tesla 2020-yilning ikkinchi choragida buxgalter hisobi xalqaro standarti (GAAP) bo‘yicha 104 million dollar daromad oldi, deyiladi avtoulov ishlab chiqaruvchilarning choraklik hisobotida.
The Verge’ning yozishicha, kompaniya o‘z tarixida birinchi marta ketma-ket to‘rt chorak yuqori daromadga ega bo‘ldi. CNBC esa endi Tesla S&P 500 fond indeksi tarkibiga qo‘shilishga umid qilishi mumkinligini qayd etgan.
Nasdaq birjasida savdolar yakunlangandan so‘ng Tesla aksiyalari kutilganidan ham yuqori bo‘lgan natijalarda 6 foizga qimmatladi. 2020-yil boshidan buyon Tesla aksiyalari 71 foizga, so‘nggi 12 oyda 140 foizga ko‘tarilgan. 13-yanvarda esa bir dona aksiyaning narxi birinchi marta 500 dollardan oshgandi.
2020-yilning ikkinchi choragi uchun kirim 6,04 milliard dollarni tashkil etdi. Bu o‘tgan yilga nisbatan 300 million dollarga kam. 2019-yilning ikkinchi choragida Tesla 408 million dollar zarar ko‘rgan.
2018 va 2017-yillar davomida kompaniya choraklik yo‘qotishlar bo‘yicha o‘z rekordini bir necha bor yangilangandi. Xususan, 2017-yilning ikkinchi choragida Tesla ko‘rgan zarar miqdori 336 million dollarni tashkil etgan bo‘lsa, 2018-yilning ikkinchi choragida bu ko‘rsatkich 717 million dollarni tashkil etgan.
Izoh (0)