JSST rahbari Tedros Gebreyesus virus yo‘llarini nazorat qilish COVID-19’ga qarshi kurashishda muhim vosita deb atadi. Bu haqda u 20-iyul kuni bo‘lib o‘tgan brifingda aytgan.
Uning ta’kidlashicha, kasallangan bemorni aniqlab, u bilan aloqa o‘rnatish va izolyatsiya qilish yangi kasallanish holatlari ko‘payishining oldini olishga yordam beradi.
“Agar virus qayerdaligini bilmasa, hech bir mamlakat o‘z hududidagi epidemiyani nazorat qila olmaydi”, — deb ta’kidlagan Tedros Gebreyesus. Yangi kasallanish holatlarini tezkor aniqlash va tegishli chora ko‘rish mamlakatlarga o‘z iqtisodiyotlarini tezroq tiklash imkonini beradi va COVID-19 keng tarqalishining oldini oladi.
JSST rahbarining bildirishicha, karantin choralari virus tarqalishini sekinlashtirishi mumkin, lekin uni butunlay to‘xtatib qololmaydi. Bunday paytda kasallangan kishilar bilan bog‘lanish imkonini beradigan mobil ilovalar yordam beradi.
Shuningdek, Tedros Gebreyesus COVID-19 tarqalishi zanjirini buzish uchun “eshikm- eshik” yurib, virus yuqtirgan va u bilan muloqotda bo‘lgan shaxslarni qidirib yuruvchi maxsus o‘rgatilgan ishchilarning o‘rnini hech narsa bosa olmasligini ta’kidlagan.
Izoh (0)