Kataloniyaning “Barselona” klubi hujumchisi Lionel Messi Ispaniya La Ligasining 37-turidan o‘rin olgan bahsda “Osasuna” darvozasiga jarima zarbasidan gol urdi.
Opta’ning xabariga ko‘ra, bu Messining Ispaniya chempionati doirasida joriy mavsumda jarima zarbasidan urgan 5-goli bo‘ldi. Qayd etish joiz, argentinalik hujumchi 2019/20-yilgi mavsumda Yevropa kuchli beshlik chempionatlaridagi eng yaxshi natijani qayd etmoqda.
Shu bilan birga 33 yoshli forvard so‘nggi besh mavsumning to‘rttasida (2016/17-yilgi mavsumdan tashqari) jarima to‘plaridan unumli foydalanish bo‘yicha yetakchilik qilmoqda. Faqat 2015/16-yilgi mavsumda futbolchisi Dani Parexo va Miralem Pyanich u bilan bir xil natija qayd etgan.
2003-yildan buyon Kataloniya klubida to‘p surayotgan Messi hozirgacha jamoasi bilan 34 ta sovringa ega chiqqan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)