Toshkent shahar hokimligi matbuot xizmatining ma’lum qilishicha, 14-iyuldan boshlab poytaxtda 1197 qisqa raqamli Homiylik yordamlarini muvofiqlashtiruvchi markaz ishga tushgan.
Markaz orqali pandemiya sharoitida aholining ehtiyojmand qatlamiga kundalik zarur mahsulotlar yetkazib beriladi.
“Hurmatli hamshaharlar, bugungi kunda koronavirus tarqalishining oldini olish, karantin talablariga so‘zsiz rioya qilish va faqat zarurat bo‘lgandagina ko‘chaga chiqish kerakligini unutmang. Biz birgalikda bir kuchmiz va bu xastalikni, albatta, yengamiz”, — deyiladi xabarda.
Eslatib o‘tamiz, mart oyida joriy etilgan karantin choralari vaqtida ham Toshkent shahar hokimligida saxovatpesha insonlarning yordamlarini yetkazib berish bo‘yicha markaz tashkil etilgan edi.
Mavzuga doir:
Izoh (0)