Kia kompaniyasi EcoDynamics+ dizel-elektr modifikatsiyasi hisobiga Ceed gammasini kengaytirdi. Kia Ceed gibridi tejamkorligi va ekologikligi bilan ajralib turadi: u 100 kilometrga 4,5 litr yog‘ilg‘i sarflaydi va unda havoga chiqaradigan zararli gazlar miqdori 5-10 foizga kamaytirilgan. Hozirda yangi model Yevropada sotuvga chiqqan, deb xabar beradi Motor.
EcoDynamics+ agregati Ceed’ning barcha Yevropa lineykasiga — xetchbekdan tortib, krossovergacha o‘rnatiladi. Gibrid tizimi 1,6 litrli turbodizel, 48 voltli startyor-generatordan iborat. Shuningdek, kichkina litiy-ionli polimer batareyasi sig‘imi 0,46 kilovatt-soatga teng.
Dizel-elektr darajasiga qarab Ceed 115 ot kuchi (280 Nm) yoki 136 ot kuchini (320 Nm) taqdim eta oladi. ProCeed EcoDynamics+ shuting-breyki esa faqat 136 ot kuchli bo‘ladi. Bazaviy versiyadan 6 pog‘onali mexanik iMT uzatmalar qutisi o‘rin olgan bo‘lib, qo‘shimcha haq evaziga 7 pog‘onali “robot” versiyasini ham qo‘lga kiritish mumkin.
Motor quvvati, uzatmalar qutisi va kuzov turiga qarab 100 kilometr masofaga 3,7 litrdan 4,4 litrga qadar dizel sarflanadi. Tejamkorlikka tezlanish vaqtida elektromotorchaning ulanishi, tormozlanishda energiyaning rekuperatsiyasi va start-stop tizimining ishi sabab erishilgan.
Dizel-elektr jamlanmali modellar benzin versiyali modellardan qimmatroq turadi. 120 ot kuchiga ega Kia Ceed xetchbeki 18 803 yevro tursa, 115 ot kuchiga ega EcoDynamics+ gibrid versiyasi narxi 21 923 yevrodan boshlanadi.
Izoh (0)