Futbol bo‘yicha Angliya Premyer Ligasining 34-turida “Manchester Yunayted” jamoasi 9-iyul, payshanba kuni “Aston Villa” maydonida mehmon bo‘ldi.
Uchrashuvning 27-daqiqasida Burunu Fernandesh penaltini aniq amalga oshirib, mehmonlarni hisobda oldinga olib chiqdi. Birinchi bo‘limga qo‘shib berilgan vaqtda Meyson Grinvud jamoasining qarshi hujumini gol bilan yakunladi.
58-daqiqada Pol Pogba Fernandesh tomonidan uzatib berilgan to‘pga uzoq masofadan zarba berib, uchinchi bor mezbonlar darvozabonini ranjitdi.
Ushbu g‘alabadan so‘ng Ole-Gunnar Sulsher jamoasining ochkolari soni 58 taga yetdi. Jamoa 4-o‘rindagi “Lester”dan bir ochkoga ortda qolmoqda. “Aston Villa” (27) esa 19-pog‘onada qoldi.
APL
34-tur bahsi
“Aston Villa” — “Manchester Yunayted” 0:3
Gollar: 0:1 – 27, penalti Brunu Fernandesh, 0:2 – 45 Grinvud, 0:3 – 58 Pogba.“Aston Villa”: Reyna, Mingz, Hoz, Konsa, Teylor, Duglas Luis (Vasilev, 84), Trezege, El-Gazi (Huriheyn, 58), Makginn (Nakamba, 59), Grilish, Samatta (Devis, 59).
“Manchester Yunayted”: De Xea, Lindelyof, Shou, Maguayr, Uan-Bissaka (Uilyams, 66), Matich (Maktominay, 66), Pogba, Brunu Fernandesh (Fred, 71), Marsyal (Igalo, 79), Grinvud (Jeyms, 79), Reshford.
Ogohlantirishlar: Uan-Bissaka (40), Matich (45), Konsa (52), Nakamba (81), Fred (87).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)