Bleacher Report sayti koronavirus sabab to‘xtab qolgan mavsum restartidan keyin Yevropa maydonlarida eng yaxshi natija qayd etayotgan futbolchilar reytingini tuzib chiqdi.
Unga ko‘ra, “Bavariya” hujumchisi Robert Levandovski 15 futbolchidan iborat ro‘yxatning birinchi pog‘onasidan joy oldi. Polshalik futbolchi restartdan keyingi o‘nta o‘yinda 12 ta gol urgan holda “Bavariya”ga Bundesliga va Germaniya Kubogi sovrinini yutishga yordam berdi.
Ikkinchi o‘rindan “Barselona” forvardi Lionel Messi joy oldi. Argentinalik futbolchi 7 o‘yinda uchta gol urdi va yettita golli uzatma amalga oshirdi. Kuchli uchlikni “Manchester Siti” yarim himoyachisi Kevin de Bryuyne yakunlab berdi (6 o‘yin, 4 gol, 1 golli uzatma).
“Yuventus” hujumchisi Krishtianu Ronaldu mazkur ro‘yxatning o‘ninchi pog‘onasidan joy oldi. Uning hisobida 7 o‘yinda 5 ta gol mavjud.
Reyting bilan tanishing:
- Robert Levandovski (“Bavariya”)
- Lionel Messi (“Barselona”)
- Kevin de Bryuyne (“Manchester Siti”)
- Karim Benzema (“Real”)
- Serxio Ramos (“Real”)
- David Alaba (“Bavariya”)
- Brunu Fernandesh (“Manchester Yunayted”)
- Kay Haverts (“Bayer”)
- Tomas Myuller (“Bavariya”)
- Krishtianu Ronaldu (“Yuventus”)
- Pol Pogba (“Manchester Yunayted”)
- Paulo Dibala (“Yuventus”)
- Yozua Kimmix (“Bavariya”)
- Alfonso Devis (“Bavariya”)
- Markos Lyorente (“Atletiko”).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)