Italiyada statistika milliy instituti (Istat) COVID-19 pandemiyasi oqibatida tug‘ilishlar soni keskin kamayib ketishi mumkinligini taxmin qildi. Bu haqda “RIA Novosti” xabar qildi.
“Aholi orasida tug‘ilishlar sonining kamayishi COVID-19 epidemiyasi davrida yanada tezlashishi mumkin”, – deyiladi hujjatda.
Mavzuga doir: Italiyadagi shaharchalarning birida koronavirusga chalinganlarning 40 foizida kasallik belgisiz o‘tgani aniqlandi
Istat hisob-kitoblari bo‘yicha, koronavirus pandemiyasi sabab 2020-yilda yangi tug‘ilgan chaqaloqlar soni 10 mingga kamayib, 426 ming nafarni tashkil qiladi. Pessimistik ssenariy 2021-yilda ham tug‘ilishlar soni xuddi shunday kamayishini ko‘rsatgan, kelasi yilda yangi tug‘ilgan chaqaloqlar soni 396 ming nafargacha kamayishi mumkin.
Istat ma’lumotlariga ko‘ra, 2019-yilda Italiyada tug‘ilish ko‘rsatkichi tarixiy minimumiga tushgan: yangi tug‘ilganlar soni 435 ming nafarni tashkil qilib, chaqaloqlarning 20 foizining onasi xorijlik ekani aytilgandi. Bu 1861-yilda asos solingan Italiya davlati tarixidagi eng past ko‘rsatkich hisoblanayotgandi. Italiyada tug‘ilishlar sonining pasayish tendensiyasi 10 yildan buyon davom etib kelmoqda.
Izoh (0)