AQSh Senati Gonkongda milliy xavfsizlikni ta’minlash to‘g‘risidagi qonun qabul qilgani tufayli Xitoyga qarshi sanksiyalar to‘g‘risidagi hujjat loyihasini qabul qildi. Bu haqda “USA Today” xabar bermoqda.
Hujjatda milliy xavfsizlik to‘g‘risidagi qonunning Gonkongga tatbiq etilishi bilan bog‘liq Xitoy rasmiylari bilan ish olib boruvchi banklar va kompaniyalarga nisbatan sanksiyalar nazarda tutilgan.
Ta’kidlanishicha, qonun loyihasi bir ovozdan qabul qilindi. Bungacha u Vakillar palatasi tomonidan ma’qullangan edi. Endi hujjat prezident Donald Tramp tomonidan imzolanishi kerak.
Eslatib o‘tamiz, 30-iyun kuni Gonkongda milliy xavfsizlik to‘g‘risidagi qonun kuchga kirdi. Maqsad ichki nizo, terrorizm va tashqi kuchlarning ma’muriy mintaqa ishlariga aralashishining oldini olishga qaratilgan.
Qonunda Xitoyning milliy xavfsizligiga tahdid soluvchi kuch, separatizm, terroristik hujum va xorijiy kuchlar bilan til biriktirish uchun umrbod qamoq jazosi ko‘zda tutilgan. Gonkongda qonunni amalga oshirish uchun ular Xitoy davlat xavfsizlik organlarining vakolatxonalarini ochadilar.
May oyida Pekin qonun loyihasini e’lon qilgan edi. Shundan so‘ng Gonkongda ommaviy namoyishlar va tartibsizliklar boshlandi. Vashingtonda bu tashabbus Pekinning Gonkong maqomini pasaytirishga qaratilgan harakati deb nomlandi va sanksiyalar bilan javob berishga va’da berdi.Iyun oyi oxirida AQSh Davlat departamenti Gonkong milliy xavfsizlik to‘g‘risidagi qonuni qabul qilinishida ishtirok etgan yuqori martabali xitoylik amaldorlarga AQSh vizalarini berishni chekladi.
Izoh (0)