Checheniston rahbari Ramzan Qodirov Rossiya prezidenti Vladimir Putinni umrbod davlat rahbarligiga tayinlashni taklif qildi. Bu haqda “Interfaks” xabar bergan.
“Vladimir Putinni umrbod prezident qilib saylashimiz zarurligi men ko‘p gapiradigan muhim gap. Xo‘sh, hozir kim uni almashtira oladi? U kabi dunyo miqyosidagi yetakchi siyosatchi yo‘q. Biz u bilan faxrlanishimiz kerak”, – degan Qodirov Checheniston Respublikasining koronavirus bo‘yicha tezkor shtabidagi majlisda.
Mavzuga doir:
- Putin koronavirus atayin tarqatilgan deb gapirishga dalil-isbot yo‘qligini qayd etdi
- Putin har uch kunda koronavirusga test topshirayotganini aytdi
- Putin SSSR respublikalariga “rus xalqi tomonidan berilgan sovg‘alarni” eslab o‘tdi (video)
- Putinning Ikkinchi jahon urushi haqidagi maqolasi e’lon qilindi. U Boltiqbo‘yi davlatlarining SSSRga qo‘shilishi qonuniy bo‘lgani haqida yozgan
“Hozir qonun ustuvor bo‘lgan davlatda yashayapmiz. Biz buyuk davlatning fuqarolarimiz, bizning chechen tili – davlat tili, islom dini birinchi o‘rinda turadi, musulmonlar uchun masjidlar ochiq. Biz amaldorlar siz uchun, xalq uchun xizmat qilamiz. Ushbu sharoitlardan qoniqish sezayotgan bo‘lsangiz, dangasalik qilmay ovoz berishda ishtirok eting, o‘z davlatimizni qurishimiz va rivojlanishimiz kerak”, – deya qo‘shimcha qilgan Checheniston rahbari.
Izoh (0)