“Manchester Siti” yozgi transferlar oynasi vaqtida “Bavariya”ga ketishi aniq bo‘lib ulgurgan hujumkor yarim himoyachi Leroy Sanening o‘rnini to‘ldirishi mumkin bo‘lgan futbolchilarni izlashda davom etmoqda.
The Telegraph nashrining xabariga ko‘ra, “Aston Villa” yarim himoyachisi Jek Grilish germaniyalik futbolchining o‘rnini egallashi mumkin. Mavsum yakuniga yetgach 24 yoshli Grilish uchun top-klublar o‘rtasida kurash kechishi kutilmoqda. Hozirda “Manchester Yunayted” xavbek uchun uchun asosiy da’vogarlardan biri bo‘lib turibdi.
Avvalroq “Manchester Siti” Sanening o‘rnini “Bayer” hujumchisi Leon Beyli bilan to‘ldirmoqchiligi haqida xabarlar tarqalgan edi.
Grilish — “Aston Villa” tarbiyalanuvchisi hisoblanadi va 2013-yildan beri klub sharafini himoya qilib kelmoqda. Ushbu mavsumda u Premyer Liganing 30 ta o‘yinida maydonga tushib, 7 ta gol va 6 ta golli uzatmaga mualliflik qilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)