Yunusobod tumanining Iftixor ko‘chasi ta’mirlash ishlari sabab yopiladi

25-iyun kuni kun davomida Yunusobod tumanining Iftixor ko‘chasida ta’mirlash ishlari olib boriladi. Bu haqda Toshkent shahri hokimligi matbuot xizmati xabar berdi.

Ta’kidlanishicha, ta’mirlash ishlari davomida mazkur yo‘nalishda yo‘l qatnov qismining faqat bitta harakatlanish chizig‘i avtomobillar uchun ochiq bo‘ladi.

Tirbandliklarning oldini olish maqsadida haydovchilarga aylanma yo‘llardan harakatlanish tavsiya qilinadi.

Poytaxt hokimligi keltirilgan noqulayliklar uchun uzr so‘ragan.

Avvalroq Toshkentdagi Haydar Aliyev ko‘chasining bir qismi bir haftaga, Do‘rmon yo‘li ko‘chasi issiqlik magistral quvuridagi ta’mirlash ishlari sabab vaqtincha yopilishi to‘g‘risida xabar berilgandi.