O‘zbekistonda 17-iyun soat 23:00 holatiga ko‘ra, koronavirus infeksiyasini yuqtirib olganlar yana 44 nafarga ko‘paydi va kasallanganlarning umumiy soni 5682 nafarni tashkil etmoqda. Bu haqda Sog‘liqni saqlash vazirligi xabar berdi.
Yangi kasallanish holatlarining
- 18 tasi karantin markazidagi fuqarolar orasida;
- 10 tasi Toshkent viloyatida (shundan 7 tasi xalqaro yuk tashuvchi avtomashina haydovchilarida, 3 tasi esa aholi orasida);
- 7 tasi Toshkent shahrida (shundan 2 tasi koronavirusga chalinganlar bilan muloqotda bo‘lib, karantinga olinganda, 5 tasi aholi orasida);
- 5 tasi Samarqand viloyatida;
- 4 tasi Buxoro viloyatida koronavirusga chalinganlar bilan muloqotda bo‘lib, karantinga olingan fuqarolar orasida aniqlangan.
O‘zbekistonda 17-iyun holatiga ko‘ra, jami 35 nafar bemor COVID-19 koronavirus infeksiyasidan tuzalib, sog‘ayganlarning umumiy soni 4131 nafarga (72 foiz) yetgan. 1532 nafar bemor davolanishda davom etmoqda.
Epidemiya boshlanganidan beri O‘zbekistonda koronavirus infeksiyasi asoratlari oqibatida jami 19 nafar, shundan iyun oyining o‘zida 4 nafar bemor vafot etgan.
Izoh (0)