Toshkent vaqti bilan 12-iyun kuni soat 09:30 da Qirg‘iziston hududida zilzila yuz berdi. Bu haqda O‘zbekiston Favqulodda vaziyatlar vazirligining Seysmoprognostik monitoring markazi ma’lum qildi.
Zilzila qo‘shni Qirg‘izistonda yuz bergan — episentr Toshkentdan 326 kilometr, Andijondan 59 kilometr masofada joylashgan. Magnitudasi 3,4 ga teng, o‘chog‘i 10 kilometr chuqurlikda bo‘lgan.
Qayd etishlaricha, yer silkinishlari kuchi Andijonda 2 ballni tashkil etgan.
“O‘zbekistonning boshqa hududlarida yer silkinishi qayd etilmadi. Talafotlar va jabrlanganlar to‘g‘risida ma’lumot kelib tushmadi”, — deyiladi xabarda.
Eslatib o‘tamiz, aprelda Afg‘onistonda yuz bergan zilzila kuchi O‘zbekistonda, Namanganning Uychi tumanida yuz bergan zilzila kuchi esa Andijon va Farg‘onada ham sezilgan edi.
Izoh (0)