Italiyalik karabinerlar (tartibni saqlovchi harbiy xizmatchilar) dunyoga mashhur ko‘cha rassomi Benksining Fransiyadan o‘g‘irlab ketilgan kartinasini topdi. Surat 2015-yilning 13-noyabrida sodir bo‘lgan terakt qurbonlari xotirasiga bag‘ishlab Parijdagi Bataklan konsert zalining zaxira chiqish eshigiga chizilgan edi, deb yozadi Daily Mail.
Benksi 2018-yilda eshikka g‘amgin qizning suratini chizib qoldirgan. 2019-yilning yanvarida esa surat tushirilgan eshik noma’lum kimsalar tomonidan o‘g‘irlab ketilgan edi.
Rassomning ishi Italiya va Fransiya huquq-tartibot xodimlarining hamkorlikdagi harakatlari davomida topilgan. Eshikdagi suratga hech qanday shikast yetmagan. Ma’lumotlarga ko‘ra, eshik Italiyaning Abrutsso viloyatidagi fermerning tashlandiq uyidan topilgan.
Politsiya 11-iyun kuni ushbu eshik haqida batafsil ma’lumot berishni va’da qilgan.
Benksi noma’lum ko‘cha rassomining taxallusi bo‘lib, u turli shahar ko‘chalariga chizgan suratlari bilan tanilgan. Rassom o‘zini ommaga ma’lum qilmagan va uning shaxsi sirliligicha qolmoqda.
Mavzuga doir:
- Benksi AQShdagi norozilik namoyishlari mavzusiga bag‘ishlangan yangi suratini e’lon qildi
- Benksi yangi kartinasida shifokorlarni superqahramonlarga tenglashtirdi
- “Uydan ishlashimni xotinim yomon ko‘radi”. Benksi o‘zining karantinga bag‘ishlangan yangi ishlarini ko‘rsatdi (foto)
- Benksining kesilgan kartinasi muzeyga qo‘yildi
Izoh (0)