Kechki ovqatga baqlajondan yaxna taom tayyorlaymiz

Yoz kunlarida sabzavotlardan tayyorlangan yaxna taom ayni muddao.

Quyidagi mahsulotlar kerak bo‘ladi:

• Baqlajon — 3 dona
• O‘simlik yog‘i — 3 osh qoshiq
• Pomidor — 3 dona
• Piyoz — 1 dona
• Sarimsoq piyoz — 1 dona
• Tomat pastasi — 3 osh qoshiq
• Maydalangan non talqonlari — 5 osh qoshiq
• Pishloq (motsarella tavsiya qilinadi) — 150 gr
• Rayhon
• Tuz, murch — ta’bga ko‘ra

• 15 daqiqaga 180 daraja qizigan pechga qo‘ying.
• Baqlajonni uzunasiga, ingichka qilib to‘g‘rang (1 donasini “nachinka” uchun ishlatiladi)
• Pomidorni mayda qilib to‘g‘rang.
• O‘simlik yog‘i solingan tovada mayda to‘g‘ralgan piyozni 5 daqiqa atrofida qovuring.
• “Nachinka” uchun olib qo‘yilgan baqlajonni mayda qilib to‘g‘rang va piyozga qo‘shing, sarimsoq solib aralashtiring.
• Pomidor, rayhon va tomat pastasi qo‘shib yana 5 daqiqa davomida qovuring.
• Tuzlang, murch seping.
• Pishloqni qirg‘ichdan chiqaring va pechda pishgan baqlajon ustiga seping (1 qismini ustidan sepish uchun olib qo‘ying)
• Pishloq ustidan tovada pishgan “nachinka” solib chiqing.
• Rulet qilib o‘rang.
• O‘simlik yog‘i surtib, non talqoniga qirg‘ichdan chiqarilgan pishloqni aralashtirib sepib chiqing.
• Yana 20 daqiqaga, 180 daraja qizigan pechga qo‘ying.
• Ruletlarni rayhon barglari bilan bezang.
• Tayyor bo‘lgan baqlajonlarni sovitib, muzlatkichga qo‘ying.