Termizda soxta diplom rasmiylashtirib berishni va’da qilib, fuqarodan 8 million so‘m olgan kasb-hunar kolleji direktori o‘rinbosari qo‘lga olindi. Bu haqda “Daryo”ga DXXdagi manbalari xabar berdi.
Ma’lum bo‘lishicha, Termiz bank kolleji direktori o‘rinbosari B.O‘. fuqaroga Muzrabot ijtimoiy-iqtisodiyot kasb-hunar kollejini bitirganlik to‘g‘risida soxta diplom rasmiylashtirib berishni va’da qilgan.
Shu maqsadda undan 8 million so‘m olayotganida DXX Surxondaryo viloyati boshqarmasi xodimlarining Bosh prokuratura huzuridagi departament vakillari bilan hamkorlikda o‘tkazgan tezkor tadbiri davomida ushlangan.
Tergovga qadar tekshiruv harakatlari davomida u mazkur masalada yordam berishini aytib, muqaddam 2 million so‘m olganligi ham aniqlangan.
Hozirda holat yuzasidan Jinoyat kodeksining tegishli moddalariga asosan jinoyat ishlari qo‘zg‘atilib, tergov harakatlari olib borilmoqda.
Mavzuga doir:
- DXX 5 ming dollar evaziga konservatoriyaga o‘qishga kiritib qo‘yishni va’da qilgan litsey o‘qituvchisini qo‘lga oldi
- Sirdaryoda fuqaroni qalbaki ma’lumotlar yordamida o‘qishga kiritib qo‘ymoqchi bo‘lgan shaxslar ushlandi
- Qirg‘izistondan o‘qishni ko‘chirish evaziga 4 ming dollar olayotgan Andijon davlat universitetining 2 o‘qituvchisi qo‘lga olindi
Izoh (0)