Navoiy viloyatida 21 nafar bemor 9-iyun kuni sog‘ayib, reabilitatsiyaga kuzatildi, deb xabar bermoqda SSV matbuot xizmati.
Tuzalganlarning 13 nafari erkak, 8 nafari ayol bo‘lib, yoshi kattasi 49 yoshda, yoshi kichigi 2019-yil tug‘ilgan. Ularning barchasi ushbu viloyatdan (20 nafari Zarafshon shahridan, 1 nafari Xatirchi tumanidan).
Navoiy viloyatida sog‘ayganlar 114 nafar bo‘lsa, endilikda ular 135 nafarga yetib, davolanayotganlar 94 nafarni tashkil etmoqda.
Bundan avval Toshkenda 66 nafar bemor sog‘aygani xabar berilgan edi. Shunday qilib, bugun ayni paytga qadar 87 nafar bemor tuzalib, O‘zbekiston bo‘ylab koronavirusdan jami sog‘ayganlar soni 3 444 nafarga yetdi.
Kasallanganlarning umumiy soni esa 9-iyun soat 10:00 holatiga ko‘ra 4 448 nafarni tashkil qilmoqda. Virus asoratlaridan vafot etganlar soni esa 18 kishiga yetdi.
Izoh (0)