Ekologiya va atrof-muhitni muhofaza qilish davlat qo‘mitasining xabar berishicha, Qizil kitobga kiritilgan yo‘rg‘a tuvaloqlar 28-may—1-iyun kunlari oralig‘ida tabiatga qo‘yib yuborildi.
Qayd etilishicha, qo‘mita hamda Falcon Hunting Solutions kompaniyasi tomonidan O‘zbekiston Qizil kitobi hamda Tabiatni muhofaza qilish Xalqaro uyushmasi Qizil kitobiga kiritilgan va yo‘qolib ketish xavfi ostida turgan noyob qush – yo‘rg‘a tuvaloqlar Qo‘ng‘irot tumanida tabiatga qo‘yib yuborildi.
Ular Birlashgan Arab Amirliklariga qarashli bo‘lgan International fund for houbara conservation markazida ko‘paytirilgan bo‘lib, tabiat qo‘yniga 2 040 bosh qush uchirma qilingan.
Ma’lumot uchun, yo‘rg‘a tuvaloqlar 2009-yilda O‘zbekiston Qizil kitobiga noyob tur sifatida kiritilgan. Ular Qizilqum cho‘llarida yashaydi. Ularning soni va yashash maydoni 1960-yillardan boshlab qisqarishni boshlagan.
Izoh (0)