Parijdagi sud binolaridan birining qarshisida bir necha ming odam 2016-yili politsiya tomonidan qo‘lga olinganidan so‘ng vafot etgan 24 yoshli qora tanli fransuz Adame Traorening xotirasiga norozilik namoyish o‘tkazdi, deb xabar beradi BFM TV.
Ma’lumotlarga ko‘ra, namoyishga 19 mingdan ortiq odam kelgan. Le Figaro nashri esa 15 mingga yaqin odam to‘planganini yozmoqda.
Norozilik namoyishi boshlanganidan ikki soat o‘tib, ayrim ishtirokchilar va jandarmlar o‘rtasida to‘qnashuv sodir bo‘lgan. Politsiya ko‘zni yoshlantiruvchi gazdan foydalangan. Norozilik namoyishining ba’zi ishtirokchilar chiqindilar va eski mebellarni yoqib yuborgan. Shuningdek, ular namoyish o‘tkazilgan joy yaqinidagi Parij okrugi yo‘lini to‘sib qo‘ygan.
"Pas de justice, pas de paix" scandé par une foule imposante aux pieds du TGI de Paris #JusticepourAdama #BeaumontsurOise #JusticepourTheo #AdamaTraore #blacklivesmatter #GeorgeFloyd #BlackOutTuesday pic.twitter.com/cGYtGBOvzJ
— Thibault Izoret (@TIM_7375) June 2, 2020
Adame Traore xotirasiga bag‘ishlangan aksiyalar, bundan tashqari, Marsel, Lill va Lionda ham o‘tkazilgan.
Un immense feu allumé sous le périph #JusticepourAdama #BeaumontsurOise #JusticepourTheo #AdamaTraore #blacklivesmatter #GeorgeFloyd #BlackOutTuesday pic.twitter.com/FvRWWZfdjR
— Thibault Izoret (@TIM_7375) June 2, 2020
Adame Traore 2016-yilning 19-iyul sanasida Parij yaqinidagi Bomon-syur-Uaz kommunasida qo‘lga olinganidan ikki soat o‘tib vafot etgan. Uni qo‘lga olish vaqtida uch nafar jandarm erkakni yerga bosgan va u nafas olishga qiynalgan. U jandarmeriyaga hushsiz holda olib kelingan. Traore shifokorlarining urinishiga qaramay vafot etgan.
Eslatib o‘tamiz, AQShda politsiya tomonidan qo‘lga olingan 46 yoshli afro-amerikalik Jorj Floyd vafot etganidan so‘ng, tartibsizliklar va politsiya bilan to‘qnashuvlarga olib kelayotgan norozilik namoyishi boshlangan. AQShning 25 ta shahrida ommaviy noroziliklar sabab komendantlik soati e’lon qilingan.
Izoh (0)