Prezident Donald Tramp o‘zining Twitter’dagi sahifasi orqali AQSh “Antifa” harakatini terrorchilik tashkilotlari ro‘yxatiga kiritishini ma’lum qildi.
Shuningdek, Amerika prezidenti Minneapolisdagi tartibsizliklar bo‘yicha javobgarlikni “radikal so‘lchi anarxistlar” zimmasiga yukladi.
“Minneapolisga o‘tgan kecha yetib kelib darhol ishga kirishgan Milliy gvardiyamizni tabriklayman. ‘Antifa’ boshchiligidagi anarxistlar tezda to‘xtatildi. Mer bu ishni birinchi kecha amalga oshirganida, hech qanday muammo bo‘lmas edi”, — deb yozadi Tramp.
“Antifa” — maqsadini fashizmga qarshi kurash deb atagan xalqaro harakat bo‘lib, u so‘l radikal partiyalar va tashkilotlarni, turli avtonom guruhlarni, shuningdek, neonatsizm va irqchilikka qarshi kurashuvchi jamoat tashkilotlarini birlashtiradi.
AQShda tartibsizliklar va politsiya bilan to‘qnashuvlarga olib kelayotgan norozilik namoyishi 25-may kuni Minneapolisda politsiya tomonidan qo‘lga olingan 46 yoshli afro-amerikalik Jorj Floyd vafot etganidan so‘ng boshlandi. Afro-amerikalikning o‘limi Black Liver Matter norozilik harakatining yanada avj olishiga turtki bo‘lgan. Floydni o‘ldirgan politsiyachiga rasman ayblov e’lon qilingan.
Izoh (0)