Dunyodagi eng yopiq mamlakatlardan biri hisoblanuvchi Shimoliy Koreya koronavirus pandemiyasi sabab og‘ir iqtisodiy inqiroz ostida qoldi, deb xabar beradi Financial Times.
Pxenyan 17 yil ichida birinchi bor bondlarni sotuvga chiqaradi. Shimoliy Koreya yetakchisi Kim Chen In mahalliy boy qatlamdan obligatsiyalarni sotib olishni talab qilib, shu orqali mamlakat budjetining 60 foizini moliyalashtirish uchun xorij valyutasini jalb etishni rejalashtirmoqda. Amerikaning Foreign Policy Research Institute tahlil markazini xodimi Benjamin Silbersteynning so‘zlariga ko‘ra, hukumat obligatsiyalar sotib olishni rejimga sodiqlikni namoyon etish sifatida baholaydi.
Fitch reyting agentligining baholashicha, Shimoliy Koreya iqtisodiyoti 2020-yilda 6 foizga tushib ketadi. Vaziyatning yomonlashuviga sanksiyalar va 2018—2019-yillarda ketma-ket kelgan qurg‘oqchiliklar sabab bo‘lgan.
Izoh (0)