Toshkent shahrida Virusologiya ilmiy-tekshirish instituti klinikasida 33 nafar, Epidemiologiya, mikrobiologiya va yuqumli kasalliklar ilmiy tekshirish instituti klinikasida 14 nafar, shuningdek, Samarqand viloyati yuqumli kasalliklar shifoxonasida 7 nafar, jami 54 nafar bemor COVID-19 koronavirus infeksiyasidan tuzaldi va reabilitatsiyaga kuzatildi. Bu haqda Sog‘liqni saqlash vazirligi xabar qilgan.
Xabarga ko‘ra, Virusologiya ilmiy-tekshirish instituti klinikasida tuzalganlarning 23 nafari erkaklar, 10 nafari ayollar, bemorlarning eng kattasi 68 yoshda, kichigi esa 2 yoshda. Hududlar kesimida olinganda Toshkent va Xorazm viloyatlarida 5 nafardan, Samarqand viloyatida 4 nafar, Farg‘ona viloyatida 3 nafar, Qoraqalpog‘iston Respublikasi, Sirdaryo, Jizzax, Buxoro, Surxondaryo viloyatlari va Toshkent shahrida 2 nafardan, Andijon, Qashqadaryo, Namangan viloyatlari hamda Qozog‘iston Respublikasida mos ravishda 1 nafardan bemor kasallikdan tuzalgan.
Epidemiologiya, mikrobiologiya va yuqumli kasalliklar ilmiy-tekshirish instituti klinikasida tuzalganlarning 8 nafari erkak, 6 nafari ayol: yoshi kattasi 57 da, eng kichigi 11 yoshda. Klinikada tuzalganlar Toshkent va Farg‘ona viloyati hamda Toshkent shahridan 2 nafardan, Qoraqalpog‘iston Respublikasi, Surxondaryo, Qashqadaryo, Samarqand, Sirdaryo, Andijon, Namangan va Xorazm viloyatlarida mos ravishda bir nafardan.
Toshkent shahrida shu paytga qadar 1063 nafar bemor sog‘aygan bo‘lsa, endilikda ularning soni 1110 nafarga yetdi.
Samarqandda tuzalganlarning 2 nafari Toyloq tumanida yashaydi, qolganlar esa mos ravishda Pastdarg‘om, Urgut, Oqdaryo, Payariq tumanlari va Samarqand shahrida istiqomat qiladi. Sog‘ayganlarning 4 nafari erkaklar, 3 nafari ayollar, yoshi kattasi 72 da, eng kichigi esa 5 yoshda.
Samarqand viloyatida hozirga qadar sog‘ayganlar 274 nafar bo‘lsa, endilikda ularning soni 281 nafarga yetgan.
O‘zbekistonda 31-may soat 16:45 holatiga ko‘ra, ortda qolgan bir sutka davomida jami 54 nafar bemor COVID-19’dan tuzalgan va sog‘ayganlarning umumiy soni 2837 nafarni tashkil qilmoqda.
O‘zbekistonda 31-may soat 17:00 holatiga ko‘ra, COVID-19’ni yuqtirib olganlarning umumiy soni 3583 nafarga yetgan, 14 nafar bemor esa koronavirus infeksiyasi asoratlari oqibatida vafot etgan.
Avval Toshkentda koronavirusga chalingan uch bemor reanimatsiyaga olingani xabar qilingandi.
Izoh (0)