Avstraliyada qayd etilgan yirik o‘rmon yong‘inlaridan so‘ng ilk marta koala dunyoga keldi, deb yozadi Harper’s Bazaar.
Jonivor Yangi Janubiy Uels shtatida joylashgan sudralib yuruvchilar bog‘ida tug‘ilgan. U yong‘inlardan so‘ng birinchi marta dunyoga kelgan xaltali hayvonlar vakili hisoblanadi.
Jajji koala besh oylik bo‘lib, u endigina onasining xalatasidan ko‘rinish bera boshladi.
Bog‘ xodimlari yangi tug‘ilgan jonivorga Esh deb ism qo‘ydi. Esh ingliz tilidan tarjima qilinganida “kul” degan ma’noni anglatadi.
“Esh — Avstraliyadagi fojiali yong‘inlardan so‘ng dunyoga kelgan birinchi koala. U Avstraliya yovvoyi tabiati kelajagiga umid uyg‘otadi”, — deydi bog‘ xodimlari.
https://www.facebook.com/163000207975/videos/254004042615878
2019-yilning oktabr oyida Avstraliyada o‘rmon yong‘inlari kuzatildi. Fojia oqibatida turli hisob-kitoblarga ko‘ra, 17-24 kishi halok bo‘ldi. Yana shuncha odam bedarak yo‘qolgan deb hisoblanmoqda.
1400 dan ortiq uy-joy, 6,5 million gektar maydondagi o‘rmonlar yonib ketdi.
Bir milliarddan ortiq sut emizuvchi jonivorlar, qushlar va sudralib yuruvchilar nobud bo‘ldi.
Izoh (0)