Futbol bo‘yicha Daniya chempionatida muxlislar o‘z jamoasini Zoom dasturi orqali qo‘llab-quvvatladi.
28-may kuni “Orxus” va “Ranners” o‘rtasida bo‘lib o‘tgan o‘yinda (1:1) koronavirus sabab stadionga tashrif buyura olmagan ishqibozlar o‘z jamoasini onlayn qo‘llab-quvvatlab turdi. Muxlislar uchrashuvni Zoom orqali tomosha qildi, tribunaga joylashtirilgan ulgan ekranlarda ularning tasvirlari aks etdi.
Mavzuga doir:
Koronavirus tufayli to‘xtab qolgan chempionat bahslari qayta boshlangach, o‘yinlar muxlislarsiz o‘tkazilishi belgilandi. Daniyaliklar klubi rahbariyati mazkur yo‘l bilan stadionda o‘ziga xos muhit yaratishga intilgan.
Oxir-oqibat bu o‘z samarasini ko‘rsatmay qolmadi, “Orxus” uchrashuvning 92-daqiqasida gol urib mag‘lubiyatdan qutulib qoldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)