O‘zbekistonda 24-may soat 16:00 holatiga ko‘ra, koronavirus infeksiyasi qayd etilganlar soni 18 kishiga oshib, 3150 nafarga yetdi, deya xabar deya xabar bermoqda Sog‘liqni saqlash vazirligi.
Ma’lum qilinishicha, yangi kasallanish holatlarining 5 tasi xorijdan kelgan, yana 4 tasi karantin markazidagi fuqarolar orasida qayd etilgan. Kasallik qolgan 9 holatda, jumladan, 8 holatda Toshkentda, 1 holatda esa Namangan viloyatida aholi orasidan aniqlandi. Hozirda ushbu bemorlar bilan muloqotda bo‘lgan barcha fuqarolar belgilangan tartibda qat’iy karantinga olingan.
O‘zbekistonda koronavirus infeksiyasiga chalingan 2565 nafar fuqaro butunlay sog‘aydi, 572 nafar bemor nafar bemor davolanishni davom ettirmoqda, 13 nafar bemor esa koronavirus infeksiyasi asoratlari oqibatida vafot etgan.
Izoh (0)