Buyuk Britaniyada uysiz erkak COVID-19 pandemiyasi tufayli boshpanali bo‘ldi, deb yozadi Newsweek.
30 yoshli Richard Marshall hukumat koronavirus pandemiyasi tufayli mehmonxonalarga joylashtirgan minglab uysizlardan biri bo‘ldi. Shu tariqa mamlakatda koronavirus tarqalishining oldi olinmoqda, deyiladi xabarda.
“Men 12 yoshimdan beri ko‘chada yashayman. Agar koronavirus bo‘lmaganida men boshpanaga ega bo‘la olmas edim”, — deydi Marshall jurnalistlar bilan suhbatda.
So‘nggi uch oydan beri u Angliyaning Shrusberi shahridagi Prince Rupert Hotel mehmonxonasida yashamoqda.
Marshall Buyuk Britaniyaga, avvalgi hayotiga qaytganida uni qanday taqdir kutayotganini o‘ylab, xavotirlanmoqda.
“So‘nggi kunlarda men kelgusi taqdirim haqida ko‘p o‘ylayapman. Erta-indin karantin bekor qilingach, real hayot bilan to‘qnash kelishga majburman, qo‘limdan hech narsa kelmaydi”, — deydi erkak.
Marshallning aytishicha, ota-onasi vafot etgan. So‘nggi bir necha oy ichida mehmonxona ma’muriyati unga ota-onadek bo‘lib qoldi.
“Ular menga shuncha yaxshilik qildi, qanday minnatdorchilik bildirishga ham hayronman. Bu menga koronavirusning sovg‘asi bo‘ldi”, — deydi Marshall.
Erkak, shuningdek, atrofdagilarning hurmat bilan munosabatda bo‘lishi uning o‘ziga nisbatan ishonchini oshirganini ham aytib o‘tgan.
Izoh (0)