MDHning AQShdagi elchilari Ikkinchi Jahon urushidagi g‘alabaning 75 yilligi munosabati bilan qo‘shma bayonot qabul qildi, deb xabar bermoqda “RIA Novosti”. Bayonotni Rossiya, Armaniston, Belarus, Qozog‘iston, Qirg‘iziston, Tojikiston, O‘zbekiston hamda Turkmaniston elchilari imzolagan.
Qayd etilishicha, elchilar 75 yil avval Birlashgan Millatlar Tashkiloti vakillari dunyoni dahshatli tahdiddan — natsizmdan qutqarganini yodga oldi va SSSR xalqlari qahramonona qarshilik ko‘rsatib, nafaqat urush davrida dushman bilan dahshatli jangda omon qolgani, balki o‘n millionlab qurbon bo‘lgan insonlarning hayoti evaziga kelasi avlodlar uchun tinch kelajakni yaratib berganini ta’kidladi.
“Bizning umumiy vazifamiz bu voqealar haqidagi tarixiy haqiqatni qaror toptirish va Ikkinchi Jahon urushi qurbonlari va undan xulosalarni avlodlarga yetkazishdir”, — deb aytilgan qo‘shma bayonotda.
Shuningdek, elchilar, urush faxriylaridan minnatdor ekanliklarini bildirgan.
Mavzuga doir:
- Shavkat Mirziyoyev Ikkinchi jahon urushi qatnashchilarini 10 mln so‘m bilan mukofotlash to‘g‘risidagi farmonni imzoladi
- Putin G‘alabaning 75 yilligi munosabati bilan urush qatnashchilariga 75 ming rubldan mukofot beradi
- Rossiya prezidenti nomidan qoraqalpog‘istonlik urush qatnashchilariga medallar topshiriladi
Izoh (0)