4-mayda xalqaro “Yulduzlar jangi” kuni nishonlandi. Filippinda mansabdor shaxslar aholini karantin qoidalariga rioya etishga chaqirish uchun ushbu mashhur film qahramonlari obrazida ko‘chaga chiqdi, deb yozadi Reuters.
Dart Vayder boshchiligidagi shturmchilar Filippin poytaxti Manila yaqinidagi bir nechta qishloqqa borib, niqobsiz va ruxsatnomasiz ko‘chaga chiqqan odamlarga tanbeh berdi.
Mansabdorlar shu tariqa cheklov choralariga amal qilish zarurligiga filippinliklar e’tiborini qaratmoqchi bo‘ldi.
https://twitter.com/CBSNews/status/1257580842752315392
Qayd etilishicha, ular o‘z kostyumlarini rezina gilamchalar va eski plastikdan yasagan.
Bundan tashqari, Dart Vayder va shturmchilar suv toshqinidan aziyat chekkan hududlar aholisiga gumanitar yordam yetkazib berdi.
Izoh (0)