AQShda sinovdan o‘tkazish uchun koronavirusga qarshi 14 xil vaksina tanlab olindi, deb xabar bermoqda NBC prezident administratsiyaga tayanib.
Qayd etilishicha, Tramp administratsiyasining koronavirusga qarshi vaksinani yaratishni tezlashtirishga doir dasturiga muvofiq, ushbu vaksinalar o‘tgan haftada 93 ta vaksina orasidan tanlab olingan. Yaqin ikki haftada qolgan vaksinalar qo‘shimcha sinovdan o‘tkaziladi va administratsiyaga ko‘ra ularning yarmi klinik sinovlarning keyingi bosqichiga o‘tadi.
NBC telekanalida aytilishicha, vaksinani tezlashtirish bo‘yicha ilmiy va ishlab chiqarish sa’y-harakatlar “bir necha milliard dollar”ga tushadi.
Avvalroq Bloomberg Donald Tramp administratsiyasi koronavirusga qarshi vaksinani yaratishni tezlashtiradigan loyihani ishlab chiqayotganini ma’lum qilgandi. U vaksinani yaratishga ketadigan vaqtni 8 oyga qisqartiradi va u keyingi yilning bahorida emas, shu yilning oxiriga kelib paydo bo‘ladi.
Izoh (0)