“Manchester Siti” klubi hujumchisi Serxio Aguero “Liverpul” himoyachisi Virjil van Deyk haqidagi fikrlari bilan o‘rtoqlashdi.
“Van Deyk dunyoning eng kuchli markaziy himoyachilaridan biri ekanini barchamiz yaxshi bilamiz. U baquvvat va bo‘ydor.
Virjil birga-bir o‘yinda juda kuchli. Bundan tashqari, novcha bo‘lgani bois oyoqlari ham uzun. Shu sabab u tezkor emasdek ko‘rinadi, biroq aslida u uzun oyoqlari evaziga yaxshi tezlikka ega. U hamma joyda paydo bo‘lishi mumkin. Uning ikki qadami mening ellik qadamimga teng deb hisoblayvering.
Menga hammasidan ko‘p yoqadigani — uning himoyadagi aqlli harakatlaridir. U juda ehtiyotkor va sabrli. Shu sabab ko‘plab hujumchilar uchun Virjilga qarshi o‘ynash qiyin.
Masalan, men ancha tezkorman va menga dribling ishlatish yoqadi. Shu sabab men uchun himoyachining yugurib kelishi muhim, biroq u meni ozgina ushlab qola olsa boshqa himoyachi yordamga ulgura oladi. Mana shu jihatda u juda yaxshi”, — deydi Aguero.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)